Azərbaycan Texniki Universiteti nəzdində Bakı Dövlət Rabitə və Nəqliyyat Kollecində 07.11.2024-cü il tarixdə “Yaşıl dünya naminə həmrəylik ili” ilə bağlı iməclik keçirilmişdir. İməclikdə müəllim və tələbə heyəti iştirak etmişlər.
Azərbaycan Respublikasının Prezidenti cənab İlham Əliyevin ölkə ərazisində yaşıllıqların salınması və onların genişləndirilməsinə olan diqqət və qayğısının bariz nümunəsidir ki, hər il ölkə ərazisində minlərlə yeni ağaclar əkilir, onlara qulluq göstərilir, yeni-yeni yaşıllıq zonaları yaradılır, istirahət parkları salınır.
İməclik kollecin ərazisində aparılmışdır. Onlarla yeni ağac əkilmiş, əvvəl əkilmiş ağaclara qulluq göstərilmişdir. Ağacların gövdələri əhənglənmişdir. Bir qrup tələbə tərəfindən hazırlanan quş yuvaları ağaclardan asılmışdır.